॥ बृहस्पतिकवचम् ॥
||
Bṛhaspati kavacam ||
श्रीगणेशाय नमः । अस्य श्रीबृहस्पतिकवचस्तोत्रमन्त्रस्य । ईश्वर ऋषिः । अनुस्तुप् छन्दः । गुरुर्देवता । गं बीजं । श्रीशक्तिः। क्लीं कीलकं । गुरुप्रीत्यर्थं जपे विनियोगः ।
śrī-gaṇeśāya namaḥ | asya śrī-bṛhaspati-kavaca-stotra-mantrasya
| īśvara ṛṣiḥ | anuṣṭup chandaḥ | gururdevatā | gaṁ bījaṁ | śrīśaktiḥ | klīṁ
kīlakaṁ | guru-prītyarthaṁ jape viniyogaḥ |
अभीष्टफलदं देवं सर्वज्ञं सुरपूजितम्
।
अक्षमालाधरं शानतं प्रणमामि बृहस्पतिम् ॥१॥
abhīṣṭaphaladaṁ devaṁ sarvajñaṁ surapūjitam
|
akṣamālādharaṁ śānataṁ praṇamāmi
bṛhaspatim ||1||
बृहस्पतिः शिरः पातु ललाटं पातु मे गुरुः ।
कर्णौ सुरगुरुः पातु नेत्रे मेऽभीष्टदायकः ॥२॥
bṛhaspatiḥ śiraḥ pātu lalāṭaṁ pātu me
guruḥ |
karṇau suraguruḥ pātu netre
me'bhīṣṭadāyakaḥ ||2||
जिह्वां पातु सुराचार्यो नासां मे वेदपारगः ।
मुखं मे पातु सर्वज्ञो कण्ठं मे देवतागुरुः ॥३॥
jihvāṁ pātu surācāryo nāsāṁ me
vedapāragaḥ |
mukhaṁ me pātu sarvajño kaṇṭhaṁ
devatāguruḥ ||3||
भुजावाङ्गिरसः पातु करौ पातु शुभप्रदः ।
स्तनौ मे पातु वागीशः कुक्षिं मे शुभलक्षणः ॥४॥
bhujāvāṅgirasaḥ pātu karau pātu
śubhapradaḥ |
stanau me pātu vāgīśaḥ kukṣiṁ me
śubhalakṣanaḥ ||4||
नाभिं देवगुरुः पातु मध्यं पातु सुखप्रदः।
कटिं पातु जगद्वनद्य ऊरू मे पातु वाक्पतिः ॥५॥
nābhiṁ devaguruḥ pātu madhyaṁ pātu
sukhapradaḥ |
kaṭiṁ pātu jagadvandya ūrū me pātu
vākpatiḥ ||5||
जानुजङ्घे सुराचार्यो पादौ विश्वात्मकस्तथा ।
अन्यानि यानि चाङ्गानि रक्षेन्मे सर्वतो गुरुः ॥६॥
jānujaṅghe surācāryo pādau
viśvātmākastathā |
anyāni yāni cāṅgāni rakṣenme sarvato
guruḥ ||6||
इत्येतत्कवचं दिव्यं त्रिसन्ध्यं यः पठेन्नरः ।
सर्वन्कामानवाप्नोति सर्वत्र विजयी भवेत् ॥७॥
ityetatkavacaṁ divyaṁ trisandhyaṁ yaḥ
paṭhennaraḥ |
sarvankāmānavāpnoti sarvatra vijayī
bhavet ||7||
॥ इति श्रीब्रह्मयामलोक्तं बृहस्पतिकवचं सम्पूर्णम् ॥
|| iti śrī-brahma-yāma-loktaṁ
bṛhaspati-kavacaṁ sampūrṇam ||
Tradução: Karen de Witt
Data: 13/05/2012 – Rio De
Janeiro
Fonte de Consulta: Sanskrit Documents –